India rama state leh UT zingah Mizoramin chhiah a hmu tlem ber

India rama state leh union territory (UT) zingah Mizoram chu tun hnai kum kua, kum 2014-15 aṭanga kum 2023-24 chhungin chhiah hmu tlem ber a ni char char.

Tun hnaia Reserve Bank of India (RB)-in Handbook of Statistics on Indian States 2022-23 a tihchhuaha a lan danin, kum 2023-24 (budget estimate)-ah India ram state leh UT zinga chhiah hmu tam ber tur chu Maharashtra a ni a, cheng vbc. 2,56,526 hmu tura chhût a ni. Chhiah hmu tlem ber tur chu Mizoram a ni a, cheng vbc. 801 a hmu tura chhût a ni. Mizoram dawtah hian Nagaland chu chhiah hmu tlem ber a ni ṭhin.

Tun hnai kum kua chhunga Mizoramin chhiah a hmuh tam ber chu kum 2017-18 ah a ni a, a hmuh tlem ber ṭum chu kum 2014-15 niin, cheng vbc. 267 a hmu a ni.