Sorkar hnathawk pension tawhte sum sorkarin cheng vbc. 236.70 a la bá

Vanglaini-in RTI Act tlawhchhana a zawhna Finance department-in an chhan danin, Mizoram sorkarin a hnathawk pension tawhte pawisa tur cheng vbc. 236.70 a ba mek.

Finance department tarlan danin, sorkar hna­thawk pension tawhte pawisa la pek loh chu Aizawl South Treasury-ah tam berin, cheng vbc. 114.25 a la awm. A tlemna ber Lawngtlai Treasury-ah chuan cheng nuai 45.19 la pek loh a ni. Chawngte leh Khawzawl Treasury-ah chuan pension tawhte pawisa bat a awm lo thung.

Hetih lai hian, Mizoram sorkar chuan K Deposit-ah cheng vbc. 791.50 a dah mek a, chu'ngte chu Aizawl North, Aizawl South leh Saitual Treasury-ahte dah a ni.