Neru Yuva Kendra (NYK), Mizoram chuan nimin khan Pachhunga University College (PUC) Seminar Hall-ah state level Declamation Contest  an buatsaih a, thupui chu 'Patriotism' tih leh 'Nation building' tih niin, thupui hmang hian zirlaite an intihsiak.

Intihsiaknaah hian Mizorama district pasarih aṭangin aiawh pakhat ṭheuh an tel a; Aizawl district aiawha tel C Lalremsanga, PUC-a B.A 2nd semester zirlai chu pakhatna a ni. C Lalremsanga hi Mizoram aiawhin India ram pum huapa inelna, National Declamation Contest, New Delhi-a neih turah a tel ang. Pahnihna chu C Vanlalruati, Lunglei district a ni a, HC Lalruatfeli, Siaha district chu pathumna a ni thung.

Share this Post