Traffic signal light hmang chhin dawn

Aizawl Traffic SP Stephen Lalrinawma chuan, November 13, 2023 aṭangin Bawngkawn leh Bazar Bungkawnah traffic signal light hman chhin a ni dwawn tih a puang.

Stephen Lalrinawma chuan traffic signal light chungchanga mipui hriat tur a tichhuak a; traffic signal light hman inzirtirna video clip leh thlalakte Aizawl Traffic Facebook group, Aizawl Traffic Police-ah en theih a nih thu a tarlang.

Traffic SP tarlan danin, Aizawl Smart City Ltd-in traffic Bazar Bungkawn leh Bawngkawn Sairang pénga an dah Adaptive Traffic Control System (ATCS), traffic signal light hmanga lirthei tlan dan enkawlna chu November 13, 2023 aṭangin chawhma dar 11 leh chawhnu dar 3 inkarah enchhin a ni dawn.

Traffic signal light-te chu engtiang chiaha hman tur nge tih hriat a nih theih nan lirthei khalhtute chu traffic signal light awmzia hre thar tur leh traffic police duty-te thu ngaichâng turin Traffic SP chuan a mipui a chah a, "Enchhin laia signal light zâwm lote chu MV Act hnuaiah hrem theih an ni," a ti a, khaw dang aṭanga Aizawla zinte pawh zâwm vek turin a hriattir bawk.