Mizoram aiawha Rajya Sabha MP Ronald Sapa Tlau chuan January 13, Thawhṭan­­­­ni khan Mizoram Synod pisa a tlawh a; Citizenship Amend­ment Bill (CAB) chungchanga an hma­laknaah Synod hruai­tute lawmthu a hrilh.

Ronald Sapa Tlau hian Synod senior executive secretary Rev. Lianhmingthanga Sailo kâwmin, Parliament-a CAB put luh a nih lai khan mi tlemtê chauhin Mizoram leh Kristian sakhua humhalh tumin Delhi tlangah hma an lak laiin kohhran mipuite an lamah an ṭang tlat tih a hriat avangin a zâm lo a, a huaisen phah thu a sawi.

Kohhran hmalakna avangin sorkar laipui thuneitute pawhin an hmalakna an hriatthiam phah avanga an lawm thu sawiin Ronald Sapa chuan, "Kan beisei ang diak diakin thil kal lo mah se, Zoram mipuite inlungrual taka kan ram, kan hnam leh kan sakhaw tana thawkho zel turin ka ngen a ni," a ti.

Rajya Sabha MP hi Congress party vice president H Liansailova leh hruaitu dangte'n an ṭawiawm a ni.

Share this Post