Muallungthuah vote thlak ṭha dawn

MLA inthlanpui kal zelah Aizawl South-III biala Muallungthu Polling Station-ah November 10, 2023 (Zirtawpni) hian vote thlak ṭhat a ni dawn.

Election department aṭanga thu dawn danin, Muallungthu PS-ah hian polling booth pakhat a awm a, vote thlak ṭan hmaa EVM-a vote thlak chhinna, mock poll-a vote tlate la chhuak loin vote thlak zui a ni a; hei vang hian sawiselna a awm a ni.

Election Commission of India (ECI)-ah thurâwn lak a ni a; ECI chuan November 10, 2023 zing dar 7 aṭanga tlai dar 4 chhunga vote thlak ṭhat leh turin thutlukna a siam ta a ni.