Postal ballot-in mi 14,885-in vote thlâk

Mizoram Legislative Assembly inthlanpui neih mekah November 6, Thawhṭanni tlai dar 5 thleng khan postal ballot hmangin mi 14,885-in vote an thlâk.

Chief Electoral Officer pisa tarlan danin, postal ballot hmang hian polling station-a kal harsat kum 80 chung lamte leh pianphunga rualbanlo mi 2,133-te'n an in lamah vote an thlak tawh a, inthlana duty tur mi 12,752-te'n vote an thlak tawh bawk. Postal ballot hmanga vote thlak zawng zawng hi mi 14,885 an ni.

Hetih lai hian, Mizoram inthlan puan ní, October 9, 2023 aṭanga November 5, 2023 thleng khan inthlan kaihhnawih duty-te'n dan phal loh thil Rs 4,05,17,522 hû an man tawh a ni.