December 3, 2023-a vote chhiar turin inbuatsaih a ni : Vote chhiarna tur hmun tifel tawh

Nimin Mizoram MLA inthlanpuia vote tlate chu Election Commission of India (ECI)-in a duan lâwk angin December 3, 2023-a chhiar turin inbuatsaihna kalpui zel a ni. Vote chhiarna hmun tur tihfel a ni tawh a, bial hrang hranga vote tlate chu a awmna district khawpuiah ṭheuh chhiar a ni dawn.

Vanglaini thu dawn danin, vote chhiar hun atana ruat December 3, 2023 chu Pathianni a nih avangin, vote chhiar hun sawn turin kohhran, pawl leh political party hrang hrangte'n pawl mal leh a huhoin ECI-ah ngenna an thlen tawh a, mahse, tun thlengin ECI aṭangin chhanna hmuh a la ni lo. Hei vang hian December 3-a vote chhiar turin ruahmanna kalpui zel a ni.

Kumin Mizoram inthlanpuia vote tlate chhiarna hmun tur tihfel a ni tawh a, bial hrang hranga vote tlate chu a awmna district khawpuiah ṭheuh chhiar a ni dawn. A hnuaia mi hi vote chhiarna hmun turte a ni.