Vote thlâk laklawh laia EVM thlâk a awm nual

Nimina Mizoram MLA inthlanpui tluang taka neih a nih karah harsatna neuh neuh a awm a, a tam ber chu electronic voting machine (EVM) ṭhat loh vang niin, vote thlak laklawh laiin EVM khâwl eng emaw zat thlak a ni.

Mizoram Election department hotute hnen aṭanga thu dawn danin, polling station ṭhenkhatah chuan vote thlâkna kháwl EVM ṭhat loh avangin vote thlak a khaihlak a; Election hotute chuan, khawl ṭhenkhat chu a upat ve deuh tawh thu te, fûr a rei a, a hnàwm rei deuh thute an sawi.

Election department hotute sawi danin, nimin khan hriat theih chinah inthlan vote thlak laklawh laiin EVM control unit 49, ballot unit 46 leh VVPAT khawl 139 thlak a ni.