Billboard Music Awards nomination-ah Taylor Swift langsar fal

2023 Billboard Music Awards (BBMA) nomination list tihchhuahah Taylor Swift a langsar fal hle a, nomination 20 zet a hmu. A hnuaiah hian Morgan Wallen leh SZA-te chuan nomination 17 ve ve hmuin, The Weeknd leh Drake-te'n 16 leh 14 hmuin an dawt a ni.

November 19-a Award sem hunah, Taylor Swift hian BBMA la hnem ber, award 34 lo la tawh Drake a khum thut thei a ni. Drake hian BBMA la hnem ber a nih bakah, zan khata award dawng tam thei ber record a siam mek a, kum 2017 khan award 13 zet a hum haw thei a ni. Hmeichhe zingah Taylor Swift hi BBMA dawng hnem ber ni mek bawkin, award 29 a la tawh.

Kumin hian award pakua siam belh a ni a, heng zingah hian K-pop field tan pali - top global K-pop artist, top K-pop tour, top K-pop album leh top global K-pop song telh thar a ni a, heng bakah hian red-hot Afrobeats field-ah pahnih, top Afrobeats artist leh top Afrobeats song telh a ni bawk. Top Hot 100 songwriter, top Hot 100 producer leh rock category-ah pahnih - top rock artist leh top rock tour telh a ni bawk a ni.

Awards sem hi BBMA leh Billboard social media channel-te'n an pe chhuak ang.