Eirukna-in Mizoram hmasawnna a ti ṭhuanawp - BJP President

BJP national president JP Nadda chuan October 28, Inrinni khan Chawngtea van­tlang inkhawmah thu sawiin, "Eirukna-in Mizoram hmasawnna a ti ṭhuanawp," a ti.

JP Nadda chuan, prime minister Narendra Modi kaihhruai sorkar laipui chuan hmathlir ṭha tak a neih thu sawiin, "Mizoram hmasawnna atan hmalakna eng emaw zat a kalpui a, vanduaithlak takin MNF sorkarin a ngaihsak loh vang leh eirukna chuan Mizoram hmasawnna a tiṭhuanawp," a ti a, hmasawnnain a mamawhtute hnen a thlen theih loh thu a sawi.

BJP chu India kaihruai turin a ṭha ber tih sawiin BJP National President chuan, sorkara tel ve a, hmasawnna hna thawhpui-ah mipui a sawm.

JP Nadda chuan Mizoramah BJP telna sorkar a pian ngei a ṭul thu sawiin, "BJP hnuaiah Mizo nunphung a lo ṭhanglian ang a, state hmasawnna chuan tunhmaa la awm ngai lo, sang takah Mizoram chu a hlangkai ang," a ti.