KHAWTHLIR

Vote thlak

October 28, Inrinni khan Kolasib district-a assembly constituency pathumah vote thlak ṭan a ni a, vawiin thleng vote thlak a ni ang. Kolasib district-ah hian in lama vote thlak tur kum 80 chunglam mi 123 leh rualbanlo mi 19 an awm a ni.

EFCI Ṭhalai Khawmpui

Mizoram Region Evangelical Free Church of India kohhrana Presbytery palite chuan October 27-29, 2023 chhung khan Zemabawk, Saipum Hmar­veng, North Khawlek leh Sakawrdaiah Presbytery Kristian Ṭhalai Pawl (PKṬP) annual conference hmun hrang hrang - an hmang.

EVM Commissioning

MLA inthlanpuia Siaha district-a hman tur electronic voting machine (EVM) control unit leh balloting unit chu October 28, Inrinni khan DRDO conference hall-ah thlanna leh siamremna hun hman a ni a; Saiha assembly constituency-a hman tur khawl pakua leh Palak assembly constituency-a hman tur khawl 10 chu a chhiat avangin khawl ṭhaa thleng nghal a ni.