Pawl 5-in thisen unit 240 an pe

October 28, Inrinni khan Mizoramah pawl pangain thisen unit 240 an pe. KṬP, Republic Veng Branch chuan ZMC tan unit 67 an pe a, petute mipa 50 leh hmeichhia 17 an ni a; KṬP, Electric Veng Branch-in Synod Hospital tan unit 39 pein, petute mipa 34 leh hmeichhia panga an ni.

ṬKP, Luangmual Bial-in Civil Hospital Aizawl tan unit 55 pein, petute mipa 42 leh hmeichhia 13 an ni a; ṬKP, Paithar Bial-in Lawngtlai District Hospital tan unit 64 an pe a, petute mipa 49 leh hmeichhia 15 an ni.

Catholic Ṭhalai Pawl, Kolasib Branch member mipa 13 leh hmeichhia pahnihte'n Kolasib District Hospital tan unit 15 an pe bawk.