District Missions Conference a ṭiak

United Pentecostal Church of North East India hnuaia North Mizoram District leh Aizawl East District-a Missions Department chuan October 27, Zirtawpni zan aṭang khan District Missions Conference an hmang a; October 28, Inrinni khan rorel inkhawm neih niin, inkhawmpui hi nizan khan a ṭiak a ni.

North Mizoram District hnuaia District Missions Conference vawi 43-na hi Sumsuih biak-inah neih a ni a; inkhawmpui thupui chu, 'Tuh rah seng - Galatia 6:7' tih niin, rawngbawltu hrang hrangin thupui hmang hian Pathian thu an sawi a ni. North Mizoram District-ah hian bial 31 a awm a; mission field 30 leh missionary 28 an awm mek a ni.

Aizawl East District Missions Conference hi Sakawrdai biak-ina neih niin, conference vawi 30-na a ni.