RTI Act hmanga zawhna Za-a 91.93 chhan a ni

Nagaland chief information commi-ssioner (CIC) Bukchem Phom chuan kum 10 chhunga Right to Infor-mation Act hmanga zawhna department hrang hrangin an dawn zawng zawng chu 16,026 a nih thu a sawi.

Kar kalta Inrinni-a Nagaland Information Commission (NIC) din cham vawi 10 an lawmna-ah he thu hi a sawi. Zawhna an dawn zinga 14,732 chu a chhanna pek a ni a, hei hi za zela 91.93 a tling phak a ni. Kum 2006-2015 chhung khan zawhna a lut hnem ber a, za zela 60 a tling phak bawk.

Bukchem chuan India ram state zingah RTI Act hmanga mipuite aṭanga zawhna dawn hnawl tlem ber, za zela 0.7 chu thil lawmawm tak a ni, a ti. RTI hmanga zawhna zawttu zingah hian za zela 3 chu hmeichhia an nih thu a sawi bawk.

Nagaland Chief Mi-nister T.R. Zeliang pawhin thu sawiin, state-in Infor-mation Commission a din champha kum 10-na an hmang thei chu hmasawnna ropi tak a ni, a ti. RTI hmang hian mipuite chuan sorkar kalphunga hriat chian loh leh hriat duh an neihte an zawt thei a, hei hian nasa takin sorkar leh mipui inkarah thawhhona ṭha a thlen thei a ni, a ti.

Department tinte chu thil felfai taka kalpui tur leh website te ṭha taka enkawl turin a chah bawk.