CAPF company 200 Assam-ah duty dawn

Election Commission of India (ECI)-in ruahmanna a siam angin Assam state election lo awm turah Central Armed Paramilitary Forces (CAPFs) company 200 an duty dawn.

Ministry of Home Affairs chuan Assam sorkar chu election an hmachhawn tura an mamawh hrang hrang te sorkar laipui-ah thlen turin a lo hriattir tawh bakah, an hmalakna te kartin report pe ṭhin turin hriattir a ni.

Assam-ah hian inthlanna felfai leh mipuiten ralmuang taka vote an thlak theih nan hmalak mek zel a ni. Central Armed Paramilitary Forces company 200 te zinga 100 chu March 16-ah dah an ni dawn a, a dang zawng hi March ni 20-ah duty tura ruat an ni. Assam DGP Mukesh Sahay pawhin venhimna uluk taka kalpui tum a nih thu a sawi bawk.