Mamit district leh REC-in inremna siam

Mamit DC Dr Lalrozama leh Rural Electrification Corporation Limited (REC) CEO Dr SV Srinivas te chuan corporate social responsibility (CSR) aṭanga Aspirational District - Mamit district-a zirna leh hriselna kawnga hmalakna turin inremna an ziak.

Sorkar laipui hnuaia REC Limited CSR aṭang hian Mamit district chawikanna tur cheng vbc. 20.63 hmuh a ni a, Mamit district-a naupang sikul kai rual zirna dawng lo mi 532-te sikul kaltirna atan te, zirtirtu thiamna bik nei tur mi 912-te training pek nan te, sikul 20-te smart class ni tura thuam nan te, hmeichhia ziak leh chhiar thiam lo mi 4,000 zawn chhuah tawhte ziak leh chhiar thiam tura zirtirna atan te, primary school 245 hnena water filter pek nan te, higher secondary school 144-ah tui hnianghnar pe tura hmalak nante leh, sorkar sikul thuam ṭhat nante hman tum a ni.

Hriselna lamah, Mamit district-a sub-centre 41, primary health centre pakua, community health centre pakhat leh district hospital-te thuamṭhata tihchangtlun nan hman tum a ni a; Mizorama PHC leh CHC bakah, district hospital 11-te mobile medical van pek tum a nih bakah, Mamit district-a TB damlo enkawl thiam leh damdawi lama thawktute pui theitu tur mipa leh hmeichhia 84-te training pekna atante hman tum a ni bawk.



Share this Post

Login to comment
No Comments