Abbas-an US vice president hmu dawn

Palestinian president Mahmoud Abbas chuan US Vice President Joe Biden chu Nilaini hian hmuh a tum a, Israel nena inkar boruak leh, Middle East-a remna leh muanna a awm theihna tura hmalakna khaihlak chungchangte sawipui a tum.

Joe Biden hian Middle East ram a tlawh kual dawn a, UAE, Israel, West Bank leh Jordan-te a tlawh dawn a ni. Nilaini hian Palestinian President Abbas nen hian West Bank-a Ramallah khawpuiah an inhmu dawn niin Palestine Liberation Organization member, Ahmad Majdalani chuan a sawi.

Majdalani chuan Biden-an Middle East ram a tlawh kualnaah hian firfiaka chetna hluar zel do let dan tur chungchang chu a thu ken ber a ni a, hei bakah hia Palestinian hmasawnna tur leh international peace conference neih tur pawh sawichhuah a tum bawk niin a tarlang.