Myanmar Police-ten ruihhlo dollar mtd 30 hu man

Myanmar Police-te chuan ruihhlo, heroin leh methamphetamine dollar maktaduai 30 chuang hu an man.

Police-te hian Mandalay-a industrial zone-ah motor pakhatah methamphetamine kg 82, heroin kg 24, opium kg 15 leh damdawi bum maktaduai 6.8 hi an man a ni. Ruihhlo neitu hi an la man lo.

United Nations Office on Drugs and Crime chuan tunlaiin khawvel pumah methamphetamine hi a hluar chho hle a, a bikin Asia khawchhak leh chhimchhak lamah a lar chak hle niin a sawi.

Nikum July thla khan Myanmar rama Yangon hmarlama mimal motor pakhat aṭangin ruihhlo dollar maktaduai 100 chuang hu man a lo ni tawh bawk. February thla khan Kachin state hmarlamah Kristian-ten opium chinna hmun tihchhiat an tum chu tualchhunga loneituten lo dodalin an intihbuai phah bawk a ni.