Pathianni zanah Asia Cup final

5th March, 2016

Bangladesh-a Asia Cup khelh mek chu Pathianni zan dar 7:00-ah final khelh a ni dawn a, inelna thlengtu Bang-ladesh leh India an inhmachhawn ang.

Tun hnaia che ṭha tak India hian an match hnuhnung berah UAE chu wicket kuain an sawp a, final kalkawngah Bangladesh, Sri Lanka leh Pakistan-te an hneh vek bawk.

Bangladesh hian an match hmasa berah India hneh lo mah se UAE, Sri Lanka leh Pakistan-te hneh ve lehin final an lut a ni. Bangladesh tan group stage-a an hneh loh India laka phuba lakna remchang a ni ang.