Obama'n NKorea hrekna thar a siam

US President Barack Obama chuan North Korea ramin nuclear programme a kalpui chhunzawm zel avangin hrekna thar a siam.

Ram hrang hrangin NKorea hi nuclear programme chhunzawm tawh lo tura an nawr chungin a kalpui chhunzawm a, tun hnaiah long-range rocket a kapchhuak a, an ram hruaitu Kim Jong-Un chuan rocket tam zawk kahchhuah leh a tiam bawk.

US Congress chuan NKorea hrekna bill thar hi kar kalta khan an pass tawh a, President Obama pawmpui tura thawn a nih hnuah Obama hian a hming a lo ziah hnan a ni.

NKorea hrekna bill thar hian nuclear ralthuam siam-na tura sum mamawh lakluhna turte a dang thei dawn a ni. Hemi rual hian US chuan NKorea chhawm-dawlna programme leh radio broadcast-na tur dollar maktaduai 50 pekna tur pawh an pawm nghal bawk.

Hetihlai hian China chuan NKorea hrekna thar siam chuan NKorea sum dinhmun thlengin a nghawng thei dawn niin a sawi. NKorea ram ṭhianṭha, China chuan NKorea nuclear programme hi sawisel mah se, ram hruai-tute nena inbiakna hmanga chinfel dan kawng zawn theih niin a ngai.