Mizoram Govt. AdHoc Aided High School Teachers' Association (MIGAHTA) chuan, Mizoram sorkarin adhoc aided high school-te a lak (provincialise) thuai an rin thu leh an beisei thu an tarlang.

MIGAHTA hian nimin khan Chanmari YMA Hall-ah General Conference vawi 11-na an hmang a; resolution pass in, 'School Education minister Pu Lal­chhandama Ralte hnuaiah hian adhoc aided high school zawng zawngte hi provincialised status-a min hlángkai thuai turin sorkar hi kan ring tâwkin kan beisei tlat a ni," an ti.

An resolution chuan, chief minister Zoramthanga kaihhruai sorkar a ding chu lawm­awm an tih thu leh CM chu zirna ngai pawimawh ṭhintu a nih thu te, School Education minister Lal­chhandama Ralte hmalakna chak tak avanga ramin zirna kawngah hmasawnna leh danglamna tam tak a hmuh mek chu ropui an tih thute a tarlang.

MIGAHTA chuan, kum 2008 hnu lama headmaster post ruak hnawhkhahnaah sikula senior teacher-te lâk an nih chuan an service leh pay an chhawm theih nan service rule mumal tak nei turin zir chian an rél bawk.

MIGAHTA hian MJA kaihhruainain kum 2019-2021 chhunga an pawl hruaitu tur an thlang nghal a ni.

Share this Post