N. Mizoram PYD Choir video album

UPC (NEI) North Mizoram District Choir chuan music video album thar nizan khan an tichhuak a, he album hming hi 'Jehova Rafa' tih a ni. Jehova Rafa album-ah hian hla 7 a awm a, District Superintendent, Rev. C. Lalrammuana'n a tlangzarh.

'Jehova Rafa' tih hi ringtu nun kawng chungchang lam a ni a, doctrinal bakah inneih hla, leh mitthi ngaihna hla te, Krismas hla te leh ṭhalai fuihna hlate dah a ni. Music zawng zawng hi Larry kutchhuak vek niin Wave Records leh Gosen Recording Studio-ah te voice recording tih a ni. Video hi Mawitea Hauchhum (RDS Shots) kutchhuak vek a ni a, Video ṭhenkhata Aerial filming zeh telte erawh Mazuala kutchhuak a ni thung. DVD pakhatah HD file-in video te hi khungkhawm a ni a, a phuahtu ṭawngkam (Composer’s speech) dah tel a ni a, mp3 file dah tel a ni bawk. He music video album hi Pentecostal Bookstore (Millenium Centre) ah leh UPC GeneraL Hqrs. Office leh District Office-ahte Rs 200/- a zawrh chhuah a ni a, album hralhna aṭang hian Missions Field biak in sakna pek a ni ang.