MZU-ah national seminar buatsaih

Nimin khan Mizoram Uni­ver­sity auditorium-ah 'Natio­nal Resource Management for Sustainable Development' tih hmangin national seminar  buatsaih a ni a, Agriculture minister C Lalrinsanga'n a hawng. Seminar hi vawiinah chhunzawma zawh a ni ang.

C Lalrinsanga chuan, Mizoram leilung hausakna leh ramhmul damdawi lamah awmze neia hmalak a ṭul thu leh ram leilung tichhe lo zawnga lo neih a ṭul tawh thu a sawi a; Van Dhan Mission Project hnuaiah national resource management hna ṭan mek a nih tur thu leh, leiṭha siamna hmunpui, bio fertilizer centre din a nih dawn thu a sawi bawk.

Seminar-ah hian technical session 13 a awm dawn a, paper presentation 64 leh poster presentation paruk a awm bawk ang. Zirhonain a tum ber chu, sik leh sa inthlak danglam nasa vanga harsatna hrang hrang awmte buaipui dan tur ṭha sawiho a ni.



Share this Post

Login to comment
No Comments