Lo hâl chungchangah thupek chhuah

Aizawl additional district magistrate Lal-chungnunga chuan Cr.PC Section 144 tlawhchhanin lo hâl chungchangah thupek a chhuah a; thupek chu thla hnih chhung atan a nih thu leh a zâwm lote chu IPC Section 188 hmanga hrem an nih tur thu a puang.

Aizawl Addl. DM thupek

1. Lo/huan hâl tur turte chuan March 15, 2016 hmain an hâl vek tur a ni.

2. Lo hâl turte'n an hâl hmain meikawng ṭha taka sial vek tur a ni.

3. Tumahin ram tih kan loh tur a ni a. V/C leh L/C-te hriattir hmasa loin mahni duh thua hâl mai mai loh tur. V/C leh L/C tinin an area chhung a kan loh nan uluk takin an puangzar tur a ni.

4. Ramhnuaiah meizial bung paih leh mei chhem/hâl mai mai loh tur.

5. Kângmei lakah kan him theih nan kan in leh a velte tifai ṭhain, awlsam taka kâng kai thei thil (petrol, diesel etc.) lakah fimkhur tur a ni.

6. Lengpui, Hmunpui, Serzawl, Nghalchawm, Lengte, Sihhmui, Sairang, Sairang Dinthar leh Mualkhang te hian Lengpui Airport-a thlawhna veivak a tihbuai loh nan tlai dar 3 hnu lamah chauh lo/huan an hâl tur a ni.

7. Mi tumahin kâng ṭheng loh tur.