Champhai DC tharin kâwm

Champhai DC thar SL Naveen, IAS chuan November 4, 2019 khan pisa a kai ṭan a, nimin khan Champhaia chanchinbumi te, tlawmngai pawl hruaitute leh village council hruaitute DC Conference Hall-ah a kâwm.

SL Naveen hian district thuneihna leh rorelna kalpui hna chu DC kutah chauh a awm lo tih sawiin, "Kan zavaia thawhhona leh inṭawiawmnaah thui tak a innghat a, ṭha taka thawkho zel tur kan nih inhriain, mipui vantlang rawngbawlna kawngah pheikhai rual takin kan pênho zel tur a ni," a ti.

Inkawmnaah hian chanchinbumi, tlawm­ngai pawl leh V/C aiawhte'n Bawrhsap thar lawmpuina thu an sawi a; Champhai district hmasawnna leh ṭhan zelna turah ṭha taka ṭawiawm tlat an tum thu an sawi.

SL Naveen hi 2012 batch IAS a ni a, AGMUT (Arunachal, Goa, Mizoram & Union Territory) cadre a ni.



Share this Post

Login to comment
No Comments