ZPM party chuan thuchhuah siamin, Sinlung Hills Council (SHC) inthlan zawh tâkah hian ZPM chuan official candidate a siam lo a, SHC area-a ZPM mite zalenna (free hand)-ah a dah avangin eng party mah an thawhpui lo tih an tarlang.

ZPM chuan, SHC area-a ZPM mipui duh danin bial ṭhenkhatah ZPM mi independent-a ding an awm tih sawiin, "Party ṭhenkhatin an thlâwp a. Bial pali-ah SHC area-a ZPM-te duh dan angin independent candidate thlàwpna pek a ni," an ti.

SHC bial ṭhenkhatah chuan ZPM mite chu party ṭhenkhatin an lo thláwp ve bawk tih sawiin ZPM chuan, "Party ṭhenkhat official candidate neih loh phahte pawh an awm. Chu'ng ZPM mi, independent-a dingte chu an tlin theihna turin ZPM general headquarters chuan theihtawp a chhuah a, campaign team pawh vawi duai lo a tír a ni," an ti a; ZPM mi, independent-a dingte thláwptu party leh mimal chungah lawmthu an sawi tih an tarlang.

Share this Post