Mipui ngaihdan lak-ah Trump tlahniam

US President thlanna neih tura Republican presidential candidate chuhtu zingah sumdawng hausa, Donald Trump chuan hun rei tak hma a hruai hnuin, mipui ngaihdan lak hnuhnung berah Ted Cruz'n a lehpel.

Wall Street Journal leh NBC News-in mipui ngaihdan a lak thar ber, Nilaini-a a tihchhuahah Ted Cruz chuan Trump hi lehpelin, candidate atan duhtu 28% a nei a, Trump hian 26% a nei. An inthlauhna erawh a la zim hle.

Journal chuan, "Trump hian hun rei tak chu a khingpuite lakah hma a lo hruai fal tawh a, mahse Januar thla laihawl aṭang khan a dinhmun hi a tlahniam ṭan a ni" a ti.