Suu Kyi-in sipai hotu kawm

Myanmar-a National League for Democracy (NLD) hotu Aung San Suu Kyi-i chuan Nilaini khan an ram sipai hotu, Com≠mander-in-Chief Mi Aung Hlaing hmuin, thuneih≠na inhlan chhawn dan tur chung≠≠chang a sawi≠pui.

Meeting hi Mynamar khawpui, Nay Pyi Taw-a sipai head≠quarters-ah neih a ni a, sipai aiawhin Lt. Gen Ye Aung leh NLD senior member U Zaw Myint Maung leh Tin Myo Win-te an tel bawk.

Suu Kyi leh Min Aung Hlaing-te hi
ṭum thum an inkawmna a ni a, January 25 khan meeting an lo nei tawh bawk.

Kum 2015 November 8-a inthlanpui an neihah khan NLD hi hneh taka thlan tlin a ni a, Parliament session hmasa term chu January 20 khan a tawp a, House of Representative, House of Nationalities leh Union Parliament session tharte chu February 1 leh February 8 khan neih a ni.

Parliament in hnih, Lower House leh Upper House bakah sipai hian President turin pakhat ṭheuh an nominate ang a, March 17-ah president hi Parliament member ten an thlang ang. Candidate pathum zinga vote hmu sang ber chu President niin, mi dang pahnihte chu vice-president-ah an awm nghal dawn a ni.

President thlan fel a nih hunah hian sorkar thar din nghal a ni ang a, March 31-ah sorkar lai term hi tawpin, sorkar thar hnenah thuneihna pawh hlan nghal a ni ang.