Russia-in London court-ah Ukraine a khing

Russia chuan London High Court-ah Ukraine sorkain dollar tlukdingawn 3 a batsak avangin a khing.

Russia Finance Minister Anton Siluanov chuan Ukraine-in leiba a pek theih dan tur ngaihtuaha vawi eng emaw zat an biak hnuah awmzia a neih loh avangin khinna hi an thehlut ta tih a sawi. Court chuan rorelna chu langtlang leh rintlaka kalpui a beisei thu a sawi bawk.

Ba pek dan chungchanga inbiakna an neihah, Ukraine hian Russia chu international creditor-te tihdan phung zawm turin nikum August thla khan a lo ngen tawh. He ruahmanna hnuaiah hian Ukraine-in ramdang sum a batsak aṭanga 20% chu ngaihdam a nih bakah, loan a rulh hun tur pawh kum li-ah pawhsei sak a dil.

Mahse Russia chuan Ukraine rawtna hi a hnawlsak a, ruahmanna dang a siam thung. Russia ruahmanna siamah chuan Ukraine hian a leiba hi thawh thuma rulin, kum khatah dollar tluklehdingawn khat zela rulin kum thum chhungin a rul tla dawn a ni.