Ramhlun North Branch YMA an rawn kir

YMA zaipawl lar ṭhin, music video hit tak tak lo tichhuak tawh ṭhin Ramhlun North Branch YMA chuan tun aṭanga rei vak loah hian music video thar tichhuak turin hma an la mek a, a hit leh ngei a beiseiawm viau.

'Thanglunghnemi Zai' ngawt pawh kha a hunlai chuan a hlawhtling viau a, live music nen, tunlai tak si, traditional bo chuang loin an rawn tichhuak a nih kha. Tuna Ramhlun North Branch YMA-in music video thar an siam hi 'K˚t Hla (Hrangchhawni Rechheih Zai)' a ni a, an siam peih tawh a, tihchhuah mai theih a ni ta.

'Kût Hla (Hrangchhawni Rechheih Zai)' hi a ṭang ṭha leh et awt hle a, l‚m a rem leh viau bawk. Eng emaw tihpui nikhuaa lampui mup mup theih tur chi a ni. A hla originality bo chuang si lovin tunlai rimawi chi hrang hrang nen remkhawm leh a ni a, 'Thanglunghnemi Zai' music video kha i duh chi a nih chuan Hrangchhawni Rechheih Zai pawh hi i duh chi tak tur tho a ni. A hla thu hi P.C.Saptawna kutchhuak niin, a music erawh tunlai hla leh music siamtu lar Lal K. Sailo kut hnu a ni ve thung a, a video hi Asanga Dosel Videography kutchhuak a ni ve thung.