MYC Chairman-in union minister a kâwm

Mizoram Youth Commission (MYC) chairman Dr Vanlalṭanpuia, MLA chuan October 21, Thawhṭanni khan New Delhi-ah sorkar laipuia Skill Development & Entrepreneurship minister Dr Mahendra Nath Pandey a kâwm a; Mizo ṭhalai tam zawkin MYC kaltlanga eizawnna ṭha leh ngêlnghet zawk an neih theih nana hmalak dan tur a sawipui.

Dr Vanlalṭanpuia chuan, Mizo ṭhalai, theihna nei ṭha tak takte'n an thiamna hmanga ei an zawn a, mahni inchâwm zo tura chher chhuah chu MYC ngaih pawimawh ber a nih thu a sawi. Dr Mahendra Nath Pandey chuan, MYC-in Skill Development and Entrepreneurship hnuaia ṭhalaite eizawnna kawng a kawhhmuh dan tur project hrang hrangte chu chak taka bawhzui a lo tiam a ni.

MYC Chairman hian Ministry of Textiles hnuaia development commissioner Sanjay Rastogi leh deputy development commissioner KC Shak­dwipee te pawh a kâwm a; Mizo ṭhalaite handloom leh textile lama eizawnna zau zawk leh handloom development project chak zawka thingtlang lama kalpui theih dan tur a sawpui a, Muga silk development chungchang pawh sawiho a ni.



Share this Post

Login to comment
No Comments