Champhaiah NLUP dawng tawh Hnathawk tha lo mi 70 paih an ni

Champhai DC Vanlalngaihsaka hoin nimin khan DC conference hall-ah NLUP line department pariatte'n kum 2014-15 chhunga department tinte hma-lakna sawiho a, NLUP dawng thawk ṭha lo paih leh mi 70 an awm thu tarlan a ni.

Vanlalngaihsaka chuan, NLUP chu sorkarin flagship programme a nih angin sorkarin a ngai pawimawh tih sawiin, "A dawngtu mipui leh anmahni thlanga viltu VLNC-te leh ṭan--
puina pe chhuaktu line department-te'n mawhphurhna an neih ṭheuh a ni," a ti a; line department hotute chu VLNC-te nen thawhhona tha tak nei chho zel turin a chah.

Meeting-a tarlan danin, NLUP line department tinah third phase leh fouth phase ṭan--
puina hna kalpui mek a ni a, Champhai district chhungah hian AH&Vety hnuaiah ṭanpuina dawngtu an tam ber a ni.

Champhai North leh Champhai South cluster-te chu vawk vulh bik atan model village-ah puan an ni. Fisheries hnuaiah NLUP pilot project - paddy-cum-fish culture kalpuiin Champhai leilet záwl leh Khawzawl tuisen phaia loneitu mi 519-te hnena nikum khan leilet buh hmuna chhuah tur sangha note (common carp) 3,39,000 sem a ni bawk.

NIB phalnain beneficiary zing-ah hmalak ṭhat loh vang emaw leh hmun danga pêm vangin
ṭanpuina dawngtu thlak leh paih Forest department-ah mi pali, Industries hnuaiah mi 20, Horticulture hnuaiah mi 46 an awm. Beneficiary-te zingah thawk ṭha lo leh hming paihsak ngai an awm laiin, thawk ṭha tak tak leh hlâwkpui tak tak an awm thu tarlan a ni.

Meeting-ah hian Champhai Addl. DC, District NLUP Nodal Officer, line department pariata hotute leh NLUP khawihtu bik staff-te leh Champhai IPRO-te an tel.