1D tel loin Malik a pui zawk!

One Direction aṭangin a chhuak a, mahse a hlawhtling zawk dawn a nih hmel. Zayn Malik hla thar 'Pillowtalk' chu Billboard Hot 100-ah pakhatna a kai chho.

January thla tawpa Zayn Malik tih chhuah, 'Pillowtalk' hi kar liam ta chhung khan vawi 267,000 an download a, kumin chhunga hla mal, kar khat chhunga hralh chhuah hnem ber a ni. Malik hian album a tichhuak dawn a, a album tihchhuah tur hi 'Mind of Mine' a ni a, March 25 hian a ti chhuak ang. 'Pillowtalk' pawh hi he album-a mi tur a ni.