Aizawl Art Gallery & School of Fine Art chuan nimin khan Aizawl Art Gallery-ah Annual Art Exhibition vawi 11-na an buatsaih ṭan a, principal accoun­tant general Lalramthanga Tochhawng-in a hawng. 

Lalramthanga To­chhawng chuan art chu history nen a inzawm tlat tih sawiin, "Art hi khaw­vel aṭangin lakbo nita se, khawvel hi a ho hle dawn a ni. Chutiang taka dinhmun pawimawh luahtu fine art khawvelah talent ṭha tak nei artist-te ram tan in rawn pen chhuak ṭhin a, in hnathawh hlu tak hi a hlawkna sum leh paiah chantir zung zung harsa rih mah se, theih tawp chhuaha hmalam pana ke pen zel turin ka ngen che u a ni," a ti.

Exhibition-an hian ar­tist mipa 17 leh hmeichhia 10-te lemziak chi hrang hrang 63 pho chhuah a ni a, October 26 thleng awh tur niin, chawhma dar 10 aṭanga tlai 5:30 inkarah tlawh theih a ni.

Share this Post