Feb. 10-22 chhungin Scho sem tum

Mizoram Scholarship Board (MSB) Secretary, Mizo Zirlai Pawl, Mizo Students’ Union leh Aizawl City College Joint Students’ Union hruaitute chuan nimin khan post matric tribal scholarship sem dan tur an rel a; February 10-22, 2016 chhunga sem zawh turin ruahmanna an siam.

Zirlai pawlte thu-chhuah inṭawm tarlan danin, post matric tribal scholarship sem dan tur an ruahman dan chu - February 10-12 chhungin Mizorama college zirlaite hnenah, February 15-ah HSSLC zirlaite hnenah, February 17-ah Mizoram pawna zirlaite hnenah, February 19-ah Hindi, IGNOU, etc. zirlaite hnenah leh, February 20-ah NIOS zirlaite hnenah sem tum a ni.