Sorkar hi mipui mamawh Chhanna a ni lo : Duhoma

ZNP president Lalduhoma chuan, Mizoram sorkar chu lei pakhat pawh dawh zo thei lo-ah puhin, "Kan sorkar hi Mizoram mipui mamawh chhanna a ni lo,” a ti.

Nimina ZNP party pisaa inkhawmah Lal-duhoma chuan, “Congress sorkarin a sorkar tirh
aṭanga tun thlengin Tlawng lei a dawh zo thei lo hi thil mak a tling,” a ti a; Delhi chief minister Arvind Kejriwal chuan kum thum chhunga fly-over bridge dawh zawh tura an ruahman chu thla hnih leh a chanve chhung-in an dawh zawh bakah, senso tura ruahman aṭangin cheng vbc. 150 an hmang bâng thei niin a sawi.

Lalduhoma chuan, "Tlawng lei chauh lo pawh khawi lei pawh zawh chim a nih chuan, a zawh tawk aia rit phurin a zawh chim vang a ni vek. Chim mai thei lo tura a kiang maia dawh theih reng si, kum tam tak chhung pawha dawh zawh a ni thei lo hi a chim leh vat chhan dik tak zawk chu a ni," a ti.