DC-in press mite a kâwm

9th February, 2016

Lunglei DC Abhijit Vijay Chaudhari chuan nimin khan a pisaah Lung-lei district-a thuthar thehdarhtute a kâwm a; Lung-lei district hmasawnna atan thawhpuiah a sáwm.

Abhijit Chaudhari chuan, Lunglei district chhunga media hrang hrangte chu district hotute nen inpawh taka thawhho a duh thu sawiin, sorkar hmalakna hrang hrangah ṭan lakpui tur leh sorkar aṭanga mipuite tana hriat tur pawimawhte taima taka chhuahsak turin a ngen a ni.

February 10, 2016 aṭanga Fire Prevention Week hman ṭan turah media-te theihtawp chhuah tura sáwm-in Lunglei DC chuan, "Kângmei chhuak tur dona kawngah Lunglei district hi a ti ṭha ber kan nih theih nan sorkar, NGO, media leh mipui zawng zawng i
ṭangrual ang u," a ti.