Sorkar hnathawk damlo enkawlna Sorkarin Rs.5,07,18,383 a ba mek

Mizoram sorkar chuan a hnuaia thawkte damloha inenkawlna senso a pek tur Rs. 5,07,18,383 a ba mek a; sorkar department zinga ba tam ber, PWD chuan cheng nuai 189 an ba.

RTI Act hmanga zawhna Finance department SPIO-in a chhan danin, Mizoam sor-kar department 44-te'n sor-kar hnathawk medical reim-burse-ment pek tur an bat zat belhkhawm Rs. 5,07,18,383 zingah hian department 14 chuan cheng nuai 10 chuang ba mek a; chutih laiin, department eng emaw zat chuan ba an nei lo.

Vanglaini chuan Finance-ah hian RTI Act hmanga infor-mation dilna November 23, 2015-ah a thehlut a; zawhna zingah 'Phai lam damdawi-ina sorkar hnathawk MR bill bat zat, damdawi-in hming leh sorkarin sum a batsak zat' tih leh, 'Sorkarin phai lam damdawi-ina leiba a pek theih loh vanga damdawi-in lamin damlo an en theih tawh loh chungchang' te a tel.

Zawhna chhanna atan hian Finance department SPIO chuan sorkar depart--ment hrang hrangah a thawn a, department-te chuan an chhanna chu February 2016 thla tir thleng khan an la pe a ni.

Zawhna chhannaa a lan danin, sorkar department-te chuan phai lam damdawi-in hrang hrang bakah, Mizorama damdawi-in hrang hranga an bat zat tarlan a ni.

Department 14 chuan cheng nuai 10 aia tam ba an nei a, department 12 chuan cheng nuai 10 aia tlem an bá. Printing & Stationery department chuan Rs. 19,917 an bá a, department dang 17-in bá an nei lo thung.

Ba nei lo department-te chu - Soil & Water Conservation, Excise & Nar-cotics, Fire & Emer-gency, Sainik Welfare & Resettlement, Planning & Programme Implementation, Election, Tourism, Taxation, Sports & Youth Ser-vices, IPR, Sericulture, DMR, UD&PA, Legal Metrology, Registrar of Cooperative Society, ATI leh MPSC-te an ni.

Principal Chief Conservator of Forest office-a hnathawkte chuan dam-dawi-in 18-ah bá an nei a, mahse, phai lam damdawi-in pathumah chiah bá an nei a, a dang zawng chu Mizoram chhunga an báte a ni a, an bat zawng zawng chu Rs. 12,75,055 a ni.

Hetih lai hian, phaia dam-dawi-ina inentirna man pek theih loh avangin phai lama damdawi-in zingah inenkawl phalsak tawh lo an la awm lo.

Rs. 10,00,000 aia tam báte

Department Bat zat

E-in-C PWD Rs. 1,89,16,040

Land Revenue Rs. 46,44,461

School Education Rs. 32,07,346

Health Services Rs. 27,60,993

Hospital & Medical Edn. Rs.22,61,405

AH&Vety Rs.21,19,081

FCSCA Rs.19,96,761

Accounts & Treasuries Rs.18,43,857

District & Session Judge (Aizawl Judicial) Rs.16,18,149

Higher & Technical Education Rs. 15,81,357

Environment & Forest Rs. 12,75,055

Agriculture (Crop Husbandry) Rs. 12,17,641

Institutional Finance & State Lottery Rs. 11,61,077

Transport Rs. 10,31,149

Rs. 10,00,000 aia tlem báte

Department Bat zat

Rural Development Rs. 9,80,116

Social Welfare Rs. 7,37,748

Art & Culture Rs. 7,46,307

Prisons Rs. 4,78,988

Fisheries Rs. 3,21,090

Local Administration Deptt. Rs. 3,61,970

Mizoram Home Guard Rs. 2,94,806

Labour & Employment Rs. 2,82,734

Horticulture Rs. 2,29,206

SAD Rs. 2,13,572

Geology & Mineral Resources Rs. 2,10,213

Agriculture (R&E) Rs. 2,07,344

Printing & Stationery Rs. 19,917