England squad-ah Maguire leh Kalvin Phillips

England-in October international break-ah Australia (friendly) leh Italy (Euro qualifier) te an hmachhawn dawn a, Gareth Southgate chuan club lama khelhna hmun chang tam lo Harry Maguire leh Kalvin Phillips te a ko tel. Hei chauh hi a ni lo, Saudi Pro League-a kal Jordan Henderson a la tel!

England coach Southgate-a'n a player rin laklawhte chungah rinna a nghat chhunzawm zel tih a lang. Chutihrualin Chelsea forward Raheem Sterling erawh a zawnin a vawi li nan a ko ta lo.

Southgate hian Premier League-a che ṭha ṭhenkhat erawh a ko tho a, Brighton & Hove Albion laka hattrick siamtu Ollie Watkins a tel. Villa striker Watkins hian tun season match 11 aṭangin goal sarih khungin assist vawi thum a nei bawk.

Qualifier-ah England hi an che ṭha a, Wembley Stadium-ah Italy hi an hneh a nih chuan Germany pan thei turin an dinhmun a chiang tawh ang.

England squad

Goalkeepers: Sam Johnstone, Jordan Pickford, Aaron Ramsdale
Defenders: Levi Colwill, Lewis Dunk, Marc Guehi, Harry Maguire, John Stones, Fikayo Tomori, Kieran Trippier, Kyle Walker, Trent Alexander-Arnold
Midfielders: Jude Bellingham, Conor Gallagher, Jordan Henderson, Kalvin Phillips, Declan Rice
Forwards: Jarrod Bowen, Phil Foden, Jack Grealish, Harry Kane, James Maddison, Eddie Nketiah, Marcus Rashford, Bukayo Saka, Ollie Watkins