Syria military college beihnaah mi 100 dawn an thi

Syria ram Homs province-a military college chu Ningania graduation ceremony an hman laiin drone-a beih a ni a, mi 100 dawnin nunna an chan. Hliam tuar mi 240 an awm bawk niin Syria Health Minister chuan a sawi.

Health Minister Hassan Al-Ghabash chuan thi zingah hian naupang paruk an tel tih sawiin, hliam tuar zingah na tak tak an tam avangin thi zat hi an pun belh a rinawm thu sawi bawk.

Military college beih chungchangah hian eng pawl/ram mahin tun thlengin mawhphurhna an la lo a ni.

Syria military chuan puak thei phur drone chuan ceremony tawp dawn lamah a rawn bei tih an sawi a, international force hriat lar tak fighter-te chu puhin thuchhuah a siam.

Thil thlenna hmuna awm mi pakhat chuan, "Ceremony zawhah mipuite tualzawla an awm lai chu beih an ni. Khawi aṭanga lo kal nge a nih kan hre lo, mitthi ruangin tualzawl a khat," tiin thil thlen dan a sawi.