Tripura refugee camp-a Bru pawl hrang hrang - Mizoram Bru Displaced Peoples Forum (MBDPF), Mizoram Bru Indigenous Democratic Movements (MBIDM), Bru Tribal Development Society (BTDS), Bru Displaced Women Welfare Committee (BDWWC), Camp Defence Committee (CDC) leh AII Chudri Committec (ACC) chuan nimin khan Nasingpara-ah joint meeting an nei a; resolution siamin, Mizorama kîr an duh loh chhante an tarlang.

Bru pawl hrang hrangte resolution

lNorth Tripura District Magistrate kaltlanga MBDPF, MBIDM leh BTDS ten Mizoram Home Minister hnenah an thil phût ang sorkarin a tihhlawhtlin loh chuan kîr an tum lo tih memorandum an thehlut chung pawha Mizoram sorkarin Bru-te hruai kîr tura ṭul lo taka lirthei a tír hi kan dem.

lMizoram sorkarin Bru-te lak lêtna tura road map a ruahman ang a hmang leh si lo hi a thlamuanthlak loh hle. Bru-te tawrhna/hrehawmna hriatthiampui a ni lo.

lMizorama rehabilitation center din hi mihring chênna tlâk a ni lo, bâwng in ang mai a ni hi kan ngaimawh hle.

lNorth Tripura-a October 7, 2019 aṭanga Mizorama hruai kìrna atana lirthei tirh an duh loh vanga Gachirampara, Asapara, Kaskaupara, Khakchangpara leh Hamsapara relief camp-a Bru hmeichhia 1,000 chuangin lungawi lohna lantira an tawrhna hi central sorkar, Mizoram sorkar leh Tripura sorkarte hian ngaihsak rawh se.

lOctober 5, 2019-a Mizoram NGO Coordination Committee-in Union Home minister Amit Shah hnena Tripura-a Bru-te hruai kîr vek tura an ngenna chu a thu mai leh a tak thleng lo tur a ni. NGO Coordination Committee hi Bru-te lâk kîr duh lotu leh 1997 electoral roll-a Bru awmte pawm lotu an ni a, kawng hrang hranga hma laa buaina thlentu an ni. NGO Coordination Committee-te'n Bru-te Mizorama lak let an duhna chu kan thil phûtte tihhlawhtlin a nih hunah chauh a thleng ang.

lUnion Home minister Amit Shah-a'n NGO Coordination Committee hnena kum 22 chhung Bru-te tawrhna inbiakna hmanga chingfel tura a ti chu kan thláwp.

lLinda @ Kahgrakti (28) d/o Nijoram, a pasal Vanlalvena @ Tenvena s/o Lalbiaksanga, Tlangkhang khua, Mamit district-in a  hâl hlum chungchang chu Central sorkar leh Mizoram sorkar hian magisterial inquiry nei se, mitthi chhungte hnenah zangnadawmna cheng nuai 20 pe rawh se.

lMizoram sorkarin Bru-te hruai kîr nana a hmalakna muanawm tak anga lang phênah hian Bru-te chu kutthlak a ni a, central sorkar hian Mizoram chhunga thil thleng chhui chiangtu tur committee din rawh se.

lMizote'n social media-ah MBDPF thil phût chungchangah dik lo takin thu an thehdarh. MBDPF hian thil phût thar a nei lo a, central sorkar leh Mizoram sorkar hnena an thehluh hi an phût tawh sa tam tak central sorkar leh Mizoram sorkar leh JML-te nen an inbiakna aṭanga an thlitfim tawhte a ni.

Share this Post