Dinthar leh Bethlehem te inlan hun

Vawiin hian Aizawl DFA First Division chu Lammualah khelh chhunzawm a ni dawn. First Division team 10 zingah team pasarihin semifinal luh an inchuhah a ngaih theih. FC Bethlehem leh Dinthar FC te hian semifinal an la beisei a, knockout stage thleng turin vawiinah an chak ngei a ngai.

FC Bethlehem hian zing dar 8:00-ah Aizawl FC Academy an hmachhawn dawn a, chawhma dar 10:00-ah Dinthar FC-in 1st Bn MAP Academy te an tum ang. MPL-a inlan tawh club pahnihte hi chak tura beisei an nih rualin academy naupangte lakah hian chesual ve thei an ni tih hriat a ṭha.