Khawzawl DC pisa thar hawng

Deputy chief minister Tawnluia chuan nimin khan a bial chhunga district khawpui Khawzawlah DC pisa thar leh district hriatrenga lungphun a hawng a, Khawzawl District Information Booklet a tlangzarh bawk. DC pisa thar hi SASCE 2020-21 sum nuai 1,000 hmanga sak a ni.

Tawnluia chuan, Khawzawl district-ah sorkar pisa 24 dah a nih tawh thu a sawi a; Khawzawl Hospital chu DoNER Ministry-in khum 50 awm tura sakna tur a pawm tawh tih sawiin, "Specialist doctor-in damdawi-in an ṭhutchilh theih nan post siam a ni tawh," a ti.