Actor Arnold Schwarzenegger chuan Village for Vets programme hnuaiah Los Angeles-ah veteran, chenna in nei lote tan in 25 a pe.

Schwarzenegger hian West Los Angeles-ah USD 2,50,000 in structure a lei a, hei hi US sipai bang, chenna in nei lote tan a hlan a ni.

Hemi chungchang hi a twitter-ah pawh tarlangin, "Krismas ka lawm hma ta bik a ni. In 25 ka pek chu LA-ah veteran, chenna nei lote tan siam a ni. Kan pasalṭha te bula awm chu a nuamin, an in tharah hian ka lo lawm a ni," a ti. Village for Vets nena an thawkdun thei chu lawmawm a tih thu a sawi bawk a, lungrual taka thawhho chuan harsatna awmte pawh an paltlang thei zel tih an lantir a ni, a ti. Midangte ṭanpuina thilpek a pek avanga a rilru hlimna chu Krisma thilpek a dawn tawha ropui ber a nih thu a sawi bawk.

"Thil engkim min petu he ram tana thil ka pe let ve thei hian mi tilawm hle a ni. Hlawhtlinna ropui tak ka neih hi America vang chauh a ni," a ti.