Batla House director Nikkhil Advani chuan Nilaini khan Mumbai-a Emmay Entertainments din champha vawi riat lawmnaah John Abraham nen Football film '1911' an siam tur thu a sawi.

'1911' hi thil tak tak thleng behchhan a ni dawn a, kum 1911-a Mohun Bagan Club leh East Yorkshire Regiment-te'n IFA Shield final an khelh 

ṭuma thil thleng behchhan a ni dawn. India rama football ngainatute rilruah phurna thar a siam ngei ang.

East Yorkshire Regiment hi British army football club niin, a hunlaia IFA Shield tournament-ah hian roreltu an ni a, mahse Mohun Bagan hian rin loh tak maiin final-ah 2-1 in an hneh a, India team champion hmasa ber an ni bawk.

Nikkhil chuan "1911 atan hian ka rilru zawng zawng ka pe a, he film-ah hian John Abraham nen kan thawk dun dawn a ni. Ram leh hnam hmangaihna leh ram tana 

ṭhahnemngaihna film a ni dawn a, India-in zalenna a sual kawnga thil thleng pawimawh zinga mi a ni," tiin media hmaah a sawi.

Nakkum kum tawp lama chan hman tum a ni a, a script hi Emmay Entertainment co-founder Nikkhil hian a ziak dawn. John Abhram-a company JA Entertainment nen hian film paruk an siam dun tawh a ni.

Share this Post