Milarte taksa peng man a tam

Insurance policy chu kan hmel hriat viau a ni thei a, mahse taksa bung hrang insure erawh kan kan hre zen zen lo ang. Amaherawhchu, London-a inkhuar Lloyd’s of London chuan milarte taksa peng hrang hrang chu pawisa a maka maka tamin an insure ngam tlat mai.

Kum 1920 vel lai khan nuihza film-a inlan ṭhin Charlie Chaplin chuan dollar nuai khat zetin a ke a insure a, a hunlai chuan sawi hat tham khawpa taksa bung hrang insure-na man tam a tling. Mahse tunah chuan milarte taksa bung hrang man tam tak taka insure hi thil tih ngai loh a ni ta lo a; an insure na pawisa pawh hi India pawisa han chantir ila, mi tam tak tan phei chuan chhiar sen loh khawpa tam a ni ringawt tawh.

Zaithiamte hian an hrawk (vocal chords) an insure a, an ke leh kawng bawr te an insure a. England Football captain hlui David Beckham-a ke hi dollar maktaduai 70 zetin an insure a, Portuguese football captain Cristiano Ronaldo ke phei chu dollar maktaduai 144 zetin an insure hem mai.

Hetianga milarte taksa bung hrang cheng tam taka an insure ngam chhan hi publicity an duh vang ni berin a lang. A hnuaiah hian mihring taksa bung hrang insure-na man tam zual 10 a awm e.

10. Tom Jones (Chest hair - $7 million)

Welsh zaithiam Tom Jones hian a awmah hmul a nei a, chu a awm hmul chu kum 2008 khan dollar maktaduai 7 zetin an insure ngam a ni.

9. Daniel Craig

(Body - $9.5 million)

Tun hnaia James Bond film-a a changtu pa Daniel Craig taksa nalh tak hi Quantum of Solace an chan lai khan dollar maktaduai 9.5 zeta insure a ni.

8. America Ferrera

(Smile - $10 million)

American actress hmel tha bik lem lo tak hi dah hniam ngawt chi a ni hauh lo. Aquafresh chuan a nui mawi tak hi dollar maktaduai 10 zetin an insure a ni.

7. Julia Roberts

(Smile - $30 million)

Filmstar Julia Roberts hi filmstar zinga hmel tha ber a ni lo tih kan hria ang a, amaherawhchu a nui mawi tak hi dollar maktaduai 30 zelin an insure hem mai.

6. Taylor Swift

(Legs - $40 million)

American singer-songwriter, a tleirawl chhuah atanga lar tawh, Taylor Swift hian nikum March thla khan a bawp (legs) tlawn sei nalh tak hi dollar maktaduai 40 in a insured niin chanchinbuten an ziak.

5. Michael Flatley (Legs - $40 million)

American lam thiam, Musician ni bawk Michael Flatley hi Mizote chuan kan hre lar lutuk lo maithei e. Amaherawhchu a ke man tozia ngaihtuah hian mi theuneu tak chu a ni lo tawp mai. Michael Flatley-a ke hi dollar maktaduai 40 ngawtin zu han insure a!

4. David Beckham

(Legs - $70 million)

England captain hlui David Beckham hian football thiam ber nihna a la hauh ngai lo a, amah-
erawhchu footballer zinga lar ber ti ila kan sawi sual tam lo ang. Zaithiam lar Victoria Beckham-i pasal David Bec-kham-a ke hi dollar maktaduai 70 ngawtin an insure nia!

3. Cristiano Ronaldo

(Legs - $144 million)

Real Madrid goal thun khawl Cristiano Ronaldo hi football player zinga hlawh hnem ber pawl a ni a, footballer zinga thiam ber niah mi tam tak chuan an ngai bawk. Ronaldo ke insure-na pawisa hi dollar mak-taduai 144 a ni hem mai.

2. Jennifer Lopez

(Bum - $300 million)

Lem chang thiam leh zaithiam ni bawk, Jennifer Lopez-i larna pakhat chu a mawng bawr lian tak tak hi a ni a, a mawng bawr hi tlem tlemin a thang zel niin media thenkhat chuan an ziak. Jennifer Lopez mawng (bum) hi dollar maktaduai 300 zetin an insure a, hei hi Mariah Carey tih lohah chuan taksa bung hrang insure-na man tam ber a ni.

1. Mariah Carey (Legs - $1 Billion)

Zaithiam Mariah Carey kan hria a, vote la dawn ta ila khawvela mal mum nalh leh chawn zen nalh ber erawh a ni lo tawp ang.

Mahse, Mariah Carey ke(legs) hi dollar tluklehdingawn khat zetin an insure hem mai. Taksa bung hrang insure-na man tam ber a ni thung.