Kristian film ‘Zalenna’ siam turin hma la mek

Nunna Thar Film hit tak mai lo siam tawh tute zing a mi Lalnunsiama

(SVP) chuan tunah hian 'Mizoram Buai' beh­chhanin Kristian film ‘Zalenna’ tih chu siam turin hma a la mek. Audio lama hmasawnna a awm theihna turin, kings & prophets studio nen an thawk ho dawn a ni. Mizo film ṭha tak taka kan hmuh fo tawh Papuia Pachuau leh YouTube leh zai lam a mi tamtak hmelhriat Jeremy Ralte te, Sangtei Renza leh Nunna Thar film a changtu Jenny Sangtei-te hmel pawh kan hmu ngei dawn a nih hmel. 

'Nunna Thar' hla phuah leh zaithiam vang a hriat hlawh Andrew Laltlankima pawh a inlan ngei dawn tih a chiang tawh a, a nghahhlelhawm hle. Tunlai ṭhangtharte zinga hlaphuah thiam tak mai leh zaithiam K.Hminga hlate he film-ah hian hman a ni dawn a, script hi Pu Hmingtea ziah a ni thung.

Director tur, SVP leh a ṭhiante hian Mizo thalaite’n en tur ṭha kan neih theih nan a tam thei ang ber ‘zirtir nei-

ṭha - entur ṭha’ ṭhalaite tan chhawp chhuah an tum thu a sawi a, chumi atan chuan Ministry ‘One Vision Media Ministry’ tih dinin, tuna an buaipui mek pawh hi he ministry hian a produce nghal dawn bawk a ni.

Tun kum tawp emaw, nakkum kum tir lamah emaw tihchhuah a ni ang.



Share this Post

Login to comment
No Comments