Maruti Suzuki Arena Showroom leh Nexa Service Centre hawng

Mizorama Maruti Suzuki car dealer, GIG Motors Arena Showroom, Edenthar leh Nexa Service Centre, ITI Veng-a mi chu nimin khan Thutak Nunpuitu Team hotupa Sangthangkima'n a hawng.

August 23, 2017 khan GIG Motors hnuaiah Maruti Suzuki Arena showroom hawn a ni tawh a, kum ruk hnuah company duh danin changkang zawkin an thuam ṭha a ni. Nexa car an hralh chhuah bik tan service centre an din bawk. Chief executive officer John Lalpeka chuan an sumdawnna tihhmasawnna tur leh, anmahni dawrtute tan awlsamna thlentu ni turin hma an la tih a sawi.

GIG Motors hian March 2019 khan Ṭhuampui, Aizawlah Nexa showroom an hawng tawh a, 2020-ah Lungleiah outlet an hawng bawk. Chaltlang, Aizawlah Maruti Suzuki commercial vehicle zawrhna kalpui tel bawkin, dealer an nih aṭanga kum ruk chhungin Arena, Nexa leh commercial nen a vaiin lirthei 12,762 an hralh tawh. A tirah hnathawk 50 ruaiin tun dinhmunah manager 16 nen mi 230-in hna an thawk mek a ni