Kumin movie chhuaka sum la lut hnem ber 'Barbie'

Blockbuster summer comedy, 'Barbie' chu kumina film tihchhuah zingah sum la lut hnem ber a ni ta.

July thlaa tlangzarh, 'Barbie' movie hian USD tld 1.381 la lut tawhin, USD tld 1.35 la luttu 'The Super Mario Bros. Movie' chu a rawn khum ta a ni. 'Barbie' hi Warner Bros film zinga sum la lut hnem ber ni bawkin, record lo siamtu 'Harry Potter and the Deathly Hallows : Part II' a khum tawh bawk.

'Barbie' movie hian tlangzarh karah sum la lut tam ber record a lo siam tawh bakah, a director Greta Gerwig chu US-a hmeichhe director sum la lut tam ber a ni bawk. Warners Bros. chuan September 22 aṭang hian IMAX theatre-ah kar khat chhung tihchhuah nawn leh a tum a, he version-ah hian hmaa scene tihchhuah tel lohte an telh dawn a ni.